ஒரு திரைப்படம் வெளி வந்தவுடன் அந்தபடம் boxoffice ல் எவ்வளவு வசூல் செய்தது எந்தெந்த ஊர்களில் அது வெற்றி கொடிகட்டியது அது படம் பிடிக்கப்பட்ட வெளி நாடுகள் எவை ஒரு பாடல் காட்சிக்கு அந்த தயாரிப்பாளர் எவளவு செலவுசெய்தார் எப்படியெல்லாம் கஷ்டப்பட்டு அவர்கள் அந்த திரைப்படத்தை வெளி நாடுகளில் சென்று படம்பிடித்தார்கள் அதில் உள்ள புதுமையான (பேத்தலான)சண்டை காட்சிகள் எப்படி இருக்கின்றன கதாநாயகன் அறிமுக நாயகன் என்றால் அவரிடம் எப்படியெல்லாம் இயக்குனர் வேலை வாங்கினார் போன்ற பல நமக்கு தேவை இல்ல...ாத விஷயங்களை பற்றி யோசித்து பேசி கேட்டு விவாதித்து மகிழ்கிறோம் இதையேதான் நமது மீடியாக்களும் பயன் படுத்தி தொலை காட்சி நேரத்தை நிரப்புகின்றன

பொதுவாக அந்த படம் நல்லகதை அம்சம்கொண்டிருக்கிறதா நடிப்பு எப்படி வெளிப்படுகிறது சொல்ல வந்த கதையை தொய்வில்லாமல் சொல்லிஇருக்கிறார்களா சண்டை காட்சிகள் என்ற circus...... பாடல் கட்சிகள் என்றபெயரில் காட்டப்படும் ஆபாசங்களும்.......கிராபிக்ஸ் என்றபெயரில் தேவை இல்லாமல் பயன் படுத்தபடும் தொழில் நுட்பங்களும் இல்லாமல் இரண்டு மணி நேர உபயோகமான பொழுது போக்காக இருக்கிறதாஎன்று மக்கள் யோசிக்க ஆரம்பித்தாலே போதும் நல்ல திரைப்படங்கள் தானாகவே வரத் துவங்கி விடும் நீங்கள் பார்கிறீர்கள் கொடுக்கிறோம்...... கொடுக்கிறிர்கள் பார்க்கிறோம் என்ற விவாதத்திற்கு இடமில்லாமல் போய்விடும்